Arestado ang isa ka 71 anyos nga lolo matapos matukiban nga may yara sang armas kag bala ang iya nga bagahe sa Roll-on/Roll-off ukon RoRo terminal sa Bredco Port sa Bacolod City sadtong Martes.
Suno sa Bacolod City Police Office, na-detect sang port security personnel ang armas sa X-ray scanner kag gilayon nga gin-alerto ang otoridad para sa verification.
Sang ginpatigayon ang inspection, napaslawan ang suspect sa pag present sang ano man nga permit ukon lisensya para sa armas.
Na-recover gikan sa iya nga isa ka caliber .38 revolver (ARMSCOR 200) nga may unod nga anum ka bala.
Gindakup ang suspek sa pagsupak sang Republic Act 10591, ukon ang Comprehensive Firearms and Ammunition Regulation Act.
Yara siya sa custody sang Police Station 2, samtang ang mga na-recover gikan sa iya ang gin-turn-over sa Negros Occidental Provincial Forensic Unit para sa ballistic examination and documentation.
Naga patigayon man sang pag pangusisa sa pag pat-od sang iban nga activities sang suspek kag kun diin nag gikan ang armas.