71 anyos nga stranded individual nga gikan sa Manila kag nag abot sa probinsya via Bacolod-Silay Airport sadtong Pebrero 9 ang napatay mismo sa amo man nga adlaw.
Suno kay Provincial Administrator Atty. Rayfrando Diaz, ang LSI nga lalaki nga taga Handumanan sa Bacolod ang wala na sang animo pag-abot sakay gikan sa first flight, sa airport rason nga gilayon siya nga gindala sa Teresita Lopez Jalandoni Provincial Hospital sa Silay City.
Sa impormasyon na stroke ang pasyente base sa CT scan result sini nga naga pakita nga may hemorrhage sa utok. Wala na ma swab ang pasyente bangud nga nagdesisyon ang pamilya nga sayluhon ini sa lain nga ospital suno kay Diaz.
Ugaling wala na matabangan pa. As of press time, ginahulat pa kun bala natigayon ang pagswab sa amo nga LSI para mapat od kun ini ang positibo sa virus. Suno kay Diaz nag agi sa triage ang pasyente rason nga wala na compromise ang mga responders nga nagtatap sa iya.