May kapin sa 7,000 na ka mga drayber sang jeepneys, taxi, kag Transport Network Vehicle Services, ang nag submit sang ila nga application sa Land Transportation Franchising and Regulatory Board para sa fuel subsidy.
Ginsiling ni Mayor Greg Gasataya nga napasa na sang siudad ang tanan nga application sa LTFRB-NIR kag ini man ang ginpadangat na sang talatapan sa central office.
Dugang sang alklade, ila pa sa gihapon ginatinguhaan nga makahatag man ang siudad sang dugang nga suporta sa mga drayber, apang ini ang naga depende pa sa budget sang siudad.
Tanan nga drayber, nalakip man sa nag pa consolidate ukon wala ang ginpapasa sang siudad sang application bangud suno kay Gasataya, tanan nga drayber apektado sang nagapadayon nga krisis sa gatong.
Sa karon, ginahulat nalang sang siudad nga ma-validate sang LTFRB ang listahan sang mga kwalipikado nga mga drayber sa pungsod.
Samtang, may yara man sang 3,000 ka mga tricycle drivers sa siudad ang nag-appeal sa DSWD bangud wala sila madala sa mga nahatagan sang ayuda sadtong Abril 8 tubtob 10.
Ini ang padayon man nga gina-validate sang DSWD.
Wala pa man sang schedule sang special payout ang DSWD para sa mga tricycle drivers nga napaslawan magkuha sang ila ayuda sa ginpatigayon nga payout.*
[sibwp_form id=1]