Antes pa mag bukas ang payout center sa SM City NorthBlock Hwebes sang aga, nagdagsa na ang masobra sa 700 ka mga jeepney drivers nga naka schedule makabaton sang ila ayuda sa sini nga adlaw.
Ini ang kabahin sa 2,111 ka mga drayber nga natalana makabaton sang ayuda sa sulod sang tatlo ka adlaw sumugod kaina tubtob Sabado, Mayo 16.
Sa pagpang-usisa sang BACOD-MANIBELA nga grupo, ginabulubanta nga yara sa 700 ka mga unconsolidated nga jeepney drivers sa Bacolod ang nalakip sa listahan sang magabaton sang 5,000 pesos sa idalum sang Assistance to Individuals in Crisis Situations.
Ginsiling ni BACOD-MANIBELA President Rudy Catedral, nga 90 porsyento sang ila grupo, dala na ang mga wala pa na consolidate ang nalakip man sa listahan.
Gin-ako man sini, nga bisan ang jeep nga iya ginabyahe ang wala man naconsolidate. Suno sa iya, dako nga pasalamatan sang mga drayber ang lihok sang siudad nga iduso sa gobyerno nasyonal nga malakip sa listahan ang mga wala pa na consolidate ukon mga wala prangkisa nga mga drayber.
Samtang, ginsiling man ni Atty. Gerry Llena, director sang LTFRB-NIR nga matapos ang payout sa mga jeepney drivers, magasunod naman ang para sa taxi drivers kag TNVS.*
[sibwp_form id=1]