Mga proxy pwede magkuha sang tig-duha ka kilo nga bugas para sa tanan nga registered voters kag residents sang Bacolod.
Parehos sang tinalikdan nga plebisito tugutan sang Department of Social Services and Development ang mga proxy nga magkuha sang tig-duha kilo sang bugas nga ayuda para sa ila ginatiglawas nga registered voters ukon residente nga indi makapalapit sa mga distribution sites. Pero suno kay DSSD-Bacolod Head Sally Abelarde dapat may authorization letter ang proxy kag mga dala nga ids.
May 70 tanan ka mga eskwelahan ang gintalana sang siudad para sa tagtaganay sang libre nga bugas nga suguran las 9 sang agab tubtob las 3 sang hapon sa bwas, sabado tubtob dominggo. Nagpasalig man si Abelarde nga indi pagpasugtan ang mga nagakandidato sa barangay kag sk election sa mga distribution sites.
Ginbisita naman ni Mayor Albee Benitez ang mga nagapang-repack sang mga bugas agud masiguro ang kalidad sang bugas nga mabaton sang mga benepisyaryo. Masobra man sa P40 milyones pesos ang ginpain nga pondo sang siudad halin sa calamity fund agud nga mabuligan ang mga nahalitan sang baha ilabi na sa 33 ka mga apektado nga barangay.
Ang siudad ang napaidalom sa state of calamity. Natalana man nga mapanagtag ang financial assistance para sa 218 ka pamilya nga nagub-an sang balay tuga sang baha antes matapos ang bulan sang Setyembre.
Padayon man ang pag-inabot sang dugang nga mga relief packs gikan sa private sector. Magluwas sa libre nga bugas may yara man sang dugang nga mga relief packs nga nauna na nga napanghatag sang siudad sa mga naapektuhan sang pagbaha sa siudad sang nagligad nga semana.