May walo ka mga suspected cholera cases nga gina monitor karon sa banwa sang Manapla. Isa naman ka 70 anyos nga lolo ang napatay bangud sang severe dehydration.
Angut diri nagmando si Mayor Manuel Escalante sang disinfection sa market kag sa pala-pala. Temporaryo man nga gin pauntat ang pagbaligya sang mga ambulant vendors. Nagpatigayon sang rekurido ang banwa agudto mapahalong ang mga pumuluyo.
“Ginhambalan ko sila boiling gid anay, except bottled or mineral water. Tanan nga halin sa gripo, bubon, jetmatic boiled. Kahapon nag massive rekorida kami, massive campaign kami”, suno kay Escalante.
May ginporma na mga team sa mga barangay para sa advocacy. Suno kay Escalante subong nga adlaw nagkuha sang mga water sample para ipadala sa laboratory testing.
Ginkuhaan naman sang mga specimen para sa laboratory test ang mga nagmasakit nga pumuluyo para mapat-od ang gintunaan sang ila nga mga ginbatyag. Suno sa alkalde, pila sa walo ang na discharge na gikan sa rural health unit. Ang 70 anyos nga lalaki suno sa PHO ang napatay bangud sang severe dehydration kag wala man ini nakuhaan sang specimen. Suno kay Escalante ang 70 anyos ang wala man nadala sa bululngan.
39 ang confirmed cholera cases sandig sa pinaka ulihi nga report sang probinsya. Ini ang gikan sa Talisay, silay, EB Magalona, Victorias kag Cadiz.