Patay ang amay, iloy kag 7-anyos nga bata sa isa ka insidente sang bungguanay sa Sitio Bliss, Barangay Poblacion, Sta. Catalina, Negros Oriental Domingo sang gab-i.
Ang napatay amo si Reneboy Recomono, iya misis nga si Melo Jane Recomono, kag 7 ka tuig nila nga bata.
Maswerte nga naluwas ang ila 2 ka tuig nga bata. Mga residente sang Barangay Villareal, Bayawan City Negros Oriental ang mga biktima.
Sa imbestigasyon sang PNP, naga dalagan sa highway ang motorsiklo nga gina maneho ni Reneboy Recomono samtang angkas ang iya pamilya.
Nagbungguanay sila sang motor naman nga gina dala ni Wargen Tio.
Nagadalagan ang duha sa magkatuhay nga direksyon sang magbungguanay nga nag resulta sa paglabog sang mga biktima sa dalan.
Sa kakusog sang impact napatay ang tatlo ka miyembro sang pamilya. Nakaluwas ang duha ka tuig nga bata. Bangud nabalitaan ang natabo, gindagsa sang mga donasyon ang 2 ka tuig nga bata sa ospital.
Luwas na sa katalagman ang bata kag yara sa paghinakop sang DSSD.