Totally destroyed ang duha ka mga balay sang maghan-os ang buhawi sa Purok San Juan 2 sa Barangay Balaring siudad sang Silay sang Martes sang gab-i.
Lima pa ang partially damaged sa insidente.
Suno kay Punong Barangay Remy Roldan, nagligad nga tinuig sang may naigo man nga pamalay sang buhawi sa amo nga lugar.
Dugang pa niya nga antes sang natabo nga insidente sa Purok San Juan, isa man ka restaurant sa kilid sang barangay proper ang ginguba sang buhawi sang Lunes.
Magapalab-ot sang relief assistance ang DSWD sa mga pamilya nga nagub-an sang balay. Ini magluwas sa financial assistance nga ipalab-ot sang siudad para sa mga nahalitan sang buhawi.