Shadow

7 ka mga LGU nagbaton sang Sinovac vaccines

PIMT photo

Ginsugdan naman ang rollout sa halos 35,000 ka Sinovac vaccine nga nag-abot sa probinsya kahapon.

Pito ka mga banwa kag siudad ang ginpangdul-ungan kaina sang aga sang bakuna.

Suno sa commander sang Provincial Incident Management Team nga si Zeaphard Caelian mga nalakip sa gindul-ungan sang 1,546 amo ang Pulupandan, Kabankalan, La Carlota, EB Magalona, Talisay,
Sagay kag Escalante.

Suno kay Caelian ang mga nag-request lamang nga LGU ang gina-dul-ungan kag nagakasayuran nga ang damlag pa nga supply sang bakuna nga nahatag sa ila ang naubos na ukon na utilize na.

Suno kay Dr Ernell Tumimbang, ang katunga sa 34,800 ka Sinovac vaccine nga nag-abot kahapon ang gintalana para sa una nga dose sang vaccination kag ang katunga para naman sa second dose.

Sa sulod sang anum ka adlaw gina paabot nga matapos ang rollout. Samtang, sa Biernes man gina paabot nga matapos ang rollout sa Pfizer vaccine. Kun indi gid man maubos tapuson ini sa Lunes.

Secured By miniOrangeSecured By miniOrange