Dugang nga mga banwa kag siudad ang iga duso sang Negros Occidental nga malakip sa Alert Level 1 sa masunod nga pag pa gwa sang bag-o nga alert level status.
Suno kay Provincial Administrator Rayfrando Diaz, sa April 16 kun sa diin ginapaabot ang pag pa gwa sang bag-o nga Alert Level status, iga lobby nila sa Department of Health kag National IATF sang dugang nga mga banwa kag siudad nga malakip nga ma deescalate sa Alert Level One.
Suno kay Diaz, nalipay ang Negros Occidental nga na accomodate ang ila hinyo nga tigaylo nga bilog nga Negros Occidental ang ipaidalom sa isa ka alert level status, gin basehan ang tagsa ka performance sang LGU sa ila compliance sa mga parameters.
Sang Biernes ang La Carlota City, Pulupandan, San Enrique, EB Magalona kag Sagay City ang napaidalom sa Alert Level 1.
Kun basehan ang vaccination performance may dose tanan ka banwa kag siudad sa Negros Occidental ang may masobra sa 70 percent nga accomplishment sa ila target mabakunahan.
Suno kay Diaz sa bag- o nga Alert Level nga ipa gwa sa Abril 16 iga lobby man nila ang pag lakip sang Cadiz City, Talisay City, Murcia, Pontevedra, Victorias City, Silay City kag Candoni nga may masobra sa 70 percent vaccination accomplishment para sa Alert Level 1.
As of April 3 naman, 60.46 percent sa masobra 2million nga target mabakunahan ang fully vaccinated sa Negros Occidental.
Padayon naman ang pag nubo sa kadamuon sang active cases. 41 ang active cases sang probinsya.