Pito ka maghimata nga nagpositibo sa Covid-19 sa Barangay Sum-ag sa Bacolod gina-usisa sang Emergency Operation Center bangud posible isa ang probable case sang Covid-19 Delta variant.
Na kuha na sa ila puluy-an kag nadala sa isolation facility ang pito ka maghimata nga lunsay nalatnan sang Covid-19.
Suno kay Dr. Chris Sorongon, deputy for medical data and analysis sang Bacolod Emergency Operation Center,isa sa mga swab samples ang ila ginpadala sa Philippine Genome Center agud mausisa kun
posible kaso ini sang Covid-19 Delta variant.
Ang Delta variant ginakabig nga dominant variant sang Covid-19 sa pungsod sang World Health Organization.
Gani ang hugot ang pagpatuman sang health protocol pati na monitoring sa mga kabarangayan ang ginakinahanglan suno sa katapo sang EOC agud nga mapunggan ang paglaton sang virus.
Sa karon ang Bacolod ang may napulo na ka mga Covid-19 Delta variant.
Base sa record sang EOC, tanan diri ang makabig recovered na makaligad nagpaidalom sa isolation.