Patay ang pito ka bulan nga lapsag nga babayi matapos ini malapakan sang truck kahapon sa dalan sa Barangay Payao sa banwa sang Binalbagan.
Sa report sang PNP, ang lapsag ang sakay sa motor upod sang iya illoy kag amay nga amo ang naga dala sang motorsiklo.
Nag overtake suno sa pulis ang motor sa ginasundan sini nga truck apang nabungguan sini ang isa ka pedestrian nga naga lakat sa kilid nga bahin sang dalan.
Nadulaan sang kontrol ang amay nga driver kag natumba ang ila motor rason nga nag labog man ang lapsag.
Didto na sang malapakan ini sang nagadalagan nga truck nga gintunaan sang iya gilayon nga kamatayon.
Nag agum man sang minor injuries ang amay kag iloy pati na ang nabungguan nga pedestrian.