Patay ang bata nga lalaki matapus malumos sa swimming pool sang Winnie’s Resort, Purok Naga, Barangay Suay, siudad sang Himamaylan, Disyembre 25 sang aga.
Suno kay Police Executive Master Sergeant Ariel Sevilla sang Himamaylan City Police Station, residente sang Barangay Orong, siudad sang Kabankalan ang biktima upod ang iya nga pamilya sang nagpadulong sa resort.
Wala matalupangdan sang pamilya sini nga naglumpat sa swimming pool ang bata.
Nakit-an ini sang iya nga iloy kag gilayon nga nagpangayo sang bulig.
Una nga nagresponde ang katapo sang Bureau of Fire Protection – Himamaylan kag gindapatan pa ini sang first aid.
Gilayon nga gindala sa ospital ang biktima apang wala na ini matabangan.