Sa Western Visayas, humalin December 21 tubtob 27, may 28 ka mga fireworks-related injuries ang na-report.
Kun ipaanggid sa kasubong nga tion sang nagligad nga tuig, 7 percent naman ini nga mas manubo.
Sa December 26 to 27 lamang nga datus, may onse nga bag-o nga kaso sang fireworks related injuries ang ginreport sang Department of Health Western Visayas.
Kalabanan sa mga pilas mga blast ukon burn injuries kag eye injuries.
Wala naman sang gin-report amputation ukon nautdan sang tudlo ukon kamot.
Sa press conference sang DOH kaina sang aga, sa December 21 to 26 naman nga datus, pito ang gin report firecracker related injuries sa Negros Occidental gikan sa mga non-sentinal hospitals, isa naman ang sa Bacolod gikan sa sentinel hospital.
Suno sa DOH, kalabanan sa mga nasamaran mga kabataan labi na ang yara sa 1 to 10 years old.
Bangud naman sang boga ang kadam-an sa mga firecracker related injuries.
Padayon ang pahanumdom sang DOH nga sugataon ang bag-ong tuig nga luwas sa peligro kag likawan ang mag palupok.