Nabatyagan man sa pila ka lugar sa Negros Island Region ang 7.4 magnitude nga linog sa Manay, Davao Oriental kaina sang aga.
Mga estudyante sang Kabankalan Catholic College ang nag evacuate gikan sa ila nga mga classrooms sang mabatyagan ang pagtay-og mga 9:45 kaina sang aga.
Sa post sang The KCC Chronicle makit-an ang mga estudyante nga nag padulong sa open field.
Sa Bacolod City mga estudayante sang National University ang nag evacuate man.
Sang aga mismo pila ka mga eskwelahan ang nag cancel sang face to face classes kag nag shift sa alternative mode of learning.
Sang udto nag suspend sang face-to-face classes sa tanan nga level si Bacolod Mayor Greg Gasataya.
Sa Negros Occidental ang Hinigaran, Himamaylan kag Talisay suno sa Provincial Disaster Risk Reduction Management Office ang nag cancel sang face-to-face classes.
Ang bilog nga Negros Oriental sa Executive Order ni Governor Chaco Sagarbarria ang nag cancel sang klase sa tanan nga lebel sa pribado kag pampbuliko nga eskwelahan bilang precautionary measure.
Sa report sang Provincial Disaster Risk Redution Management Office, Intensity III ang nabatyagan sa Hinigaran.
Intensity II naman sa Salvador Benedicto, Cadiz, Calatrava, Murcia, Kabankalan kag Cauayan.
Intensity 1 sa Ilog, Sipalay, Himamaylan, EB Magalona, Silay, Escalante, Talisay, Sagay kag San Enrique.
Suno sa Phivolcs intensity II ang Dumaguete kag Sibulan.
Sa report sang Office of the Civil Defense nabatyagan man ang pag tay-og sa probinsya sang Siquijor.
“Diri sa Bacolod nag evacuate man kami sa building. Sa Seda sa roofdeck, medyo kusog. Mga 1 or 2 ang estimate ko sa Bacolod.
(watch out lang ta gyapon sir no?) Medyo naga sako indi ta ka pakot pirme sang mga earthquake”, suno kay OCD Regional Director, Donato Sermeno, III.