Sa last day lamang para sa voter’s registration, may 6,510 ka mga application ang tigayon nabaton sang Commission on Elections sa bilog nga probinsya.
Sa Bacolod City, masobra sa 700 ang nabaton nga application suno kay Atty Ian Lee Ananoria, ang Elections Supervisor.
Sa bilog nga Negros Island Region may 9,997 ang nag file sang application.
Sa kinaandan suno kay Ananoria, dagsa sa gihapon ang mga naga pila sa kada deadline.
Sa October 14 maga patigayon sang ERB ukon Election Registration Board hearing kag pagkatapos sini mapat-od kun pila sa kabilugan ang nadugang nga botante sa Negros Occidental.
Gina lauman nga makabalik sa 2million ang registered voters sang Negros Occidental labi na nga mga 100,000 man ang na delist ukon nakakas sa listahan nga mga botante.