Patay ang 65 anyos nga iloy matapos gin buno sang iya mismo live in partner kahapon sa Barangay Camang-camang sa banwa sang Isabela.
Sa imbestigasyon sang PNP, nag halin sa ila balay las 5:30 sang kaagahon ang biktima upod ang iya duha ka menor de edad nga anak para mag trabaho sa kampo.
Ginsundan si Bordago sang iya partner kag gilayon na lang gin buno sa dughan suno sa pulis.
Dead on the spot ang biktima. Ginatan-aw karon sang PNP nga ang pag pangimon amo ang motibo sa natabo nga krimen. Naga kadto ang biktima sa balay sang iya isa ka anak para mag bulig bantay sa iya apo, kag man gina pangimonan sini ang iya umagad.
Hungod nga wala ginhingadlan ang suspek kag biktima bangud isa ka kaso sang domestic violence ang amo nga insidente.