64 ka dugang nga Yuhum Housing units i-turn over sa mga awardees sa Barangay Vista Alegre sa Bacolod sa Sabado.
Nakahanda na ang Yuhum Tower 2 nga ilistaran sang dugang nga mga housing beneficiaries sa Yuhum Village sa Barangay Vista Alegre.
Gani bwas i-turn over na sang Bacolod Housing Authority upod sa developer ang mga yabe para sa 64 ka mga awardees kag mangin homeowners.
Ginpahayag ni BHA head Ma. Victoria Parreñas nga sa madasun nga bulan mahimo i-turn over ang Yuhum Tower 3 nga may 80 ka units kag sa Mayo ang 88 ka mga dugang nga housing units sa Tower 4.
May naporma na nga homeowners association sa Yuhum Village.
May kabilugan nga 25 ka mga Yuhum Buildings ang itukod sa Barangay Vista Alegre kabahin sang ginapatuman nga Pambansang Pabahay Program paagi sa Department of Human Settlement and Urban Development, Bacolod LGU, Pag-ibig kag BHA.