Viral sa social media ining video sang nag rambol sang mga pamatan-on sa gwa lang sa isa ka ilimnan sa dalan Lacson sakop sang Barangay Mandalagan kaina sang kaagahon.
Sa video nga kuha ni McGil Canales makit an pa.ang isa ka babaye nga nagabulig puli sa isa ka lalaki nga ila naka engkwentro.
Suno kay Canales may nagkalapilasan sa rambol kay may gindala sa ospital.
Ginsiling ni Police Lieutenant Liberty Indiape, Public information Officer sang Bacolod City Police, regular nga nagalibot sa mga ilimnan ang police mobile kag natabuan nga wala sang pulis sa lugar sang natabo ang insidente.
Karon nga naghalog naman ang mga health restrictions nalakip na diri ang pagkakas sang curfew, nagapanawagan si Indiape sa mga opisyales sa mga barangay nga kun mahimu, magtalana sang tanod malapit sa mga ilimnan agud mapaiway ang gamo.
Ang PNP ang liwat man nga nagapangabay sa mga ginikanan nga hugot man nga bantayan ang ila mga kabataan agud indi na maka gwa sa puluy an kun gab-i kag maglab ot sa mga ilimnan asta kaagahon.