63 ka mga bag-o nga miembro sang Lakas CMD ang nag take oath sa isa ka seremonya kaina kag gin-isyuhan sang CONA. Pito diri ang mga mayorables kag pito man ang mga vice mayorables.
Nalakip sa sa nagbaton sang CONA sa ginpatigayon nga pagtililipon sang LAKAS CMD sa Nature’s Village sa Talisay City sang sini nga Lunes amo sanday Mayor Salvador Escalante, Jr., sang Cadiz, Anejo Nicor nga maga papili bilang mayor sang La Castellana, Atty Rowena Lizares nga maga papili Mayor sa Talisay City, Nehemiah de la Cruz nga maga papili bilang Mayor sang Don Salvador Benedicto. Nalakip sa ginhatagan man CONA pero wala sa pagtililipon sanday Mika Escalante nga maga papili mayor sa Manapla kag Mayor Madonnah Jaojoco nga maga pa re-elect sa Toboso. Nag-upod man sa partido Lakas si Mark Golez nga maga papili bilang alkalde sa Silay City. Damlag pa si Golez kag pila sa iya nga kaupod sa grupo ang nag panumpa sa Partido Federal ng Pilipinas. Pero mas nabatyagan niya nga ang partido Lakas ang mas nagakaangay sa iya nga mga tinutuyo para sa Silay. Maga resign siya gikan sa PFP. Kaupod niya nga nagsaylo sa Lakas ang iya Vice Mayorable nga si Ryan Gamboa.
“I will have to resign sa PFP mag amo na. I feel that this is the party that is well suited for my vision and mission for Silay. Before I made this move, this has the clearances of Congressman Javi, Cong Kiko and of course kay Gov”, suno kay Golez.
Si Vice Mayor El Cid Familiaran ang nag pasumpa sa tanan nga bag-o nga nag upod sa partido.
Si Congressman Stephen Paduano ang naga bulig sa coordination sang LAKAS.
“Nagabulig ko facilitate subong liwat through Mayor Bading Escalante because the first group of mayors that decided to run under the LAKAS CMD party are mayors aligned to Mayor Bading. We have the CONA signed by majority floor leader Mannix Dalipe”, suno kay Paduano.
Samtang ang anum ka iban pa nga maga papili vice mayor sa idalom sang LAKAS – CMD amo sanday Miguel Zayco – Kabankalan City, Edgy Javellana – Candoni, Edgar Edgar B. Pagayonan – Manapla, Richard Jaojoco – Toboso, Johnny P. Reosura – Murcia kag Felix Matias Segundo Yulo III – Moises Padilla.
49 naman ang maga papili konsehal ang nahatagan CONA.