Gikan sa Cadiz City, nagpalagyo sa Kabankalan City ang 62 anyos nga si Federico Delfin, ang suspek sa pagpatay kag paghimulos sa 17 anyos nga estudyante sa Barangay Magsaysay sa Cadiz City.
Suno kay P/Capt. Gina Fernandez, deputy chief of police sang Cadiz PNP, nadakpan si Delfin sa Barangay Tampalon, sa Kabankalan City kag gindala sa Cadiz PNP.
Nakabaton sang impormasyon ang Cadiz PNP nga nanago sa balay sang iya mga himata sa Kabankalan City ang suspek gani tigayon siya nga nadakop.
Dugang ni Fernandez, nagwa sa autopsy report nga nahimuslan ang biktima.
Manak ukon step daughter sang bata ni Delfin ang biktima gani gina kabig siya sini bilang lolo.
Domingo nga adlaw sang na missing ang 17 anyos. Kahapon tigayon nga nakita ang iya sini nga bangkay nga naga hublas na, utod ang mga tudlo kag may pilas sa li-og.
Nalagyo man ang suspek sa adlaw nga nasapwan ang iya nga bangkay. Kaso nga rape with homicide ang ipasaka batuk sa iya.