2,325 pesos ang ayuda nga nabaton sang 613 ka mga mangunguma sa siudad sang Bacolod kaina sang aga sa idalum sang Presidential Assistance to Farmers and Fisherfolks nga programa sang gobyerno nasyonal.
Suno sa Department of Agriculture, kinahanglan nga may miyembro sang Registry System for Basic Agriculture ang isa ka mangunguma agud ma qualify sa sini nga programa.
Panawagan ni Engr. Albert Barrogo, DA-NIR Regional Executive Director sa mga nagareklamo nga wala malakip sa listahan, magpakig-angut lang sa Bacolod City Agriculture Office agud masaysay sa ila ang mga rason ngaa gin-disqualify sila.
Indi man mahatag sang DA ang ayuda sa isa ka benepisyaryo kon mapaslawan ini nga magkadto Miyerkules sang aga, magluwas na lamang sa mga bedridden beneficiaries nga DA mismo ang madul-ong sang ila assistance sa ila mga balay.
Samtang, sugdan na sang DSWD NIR ang paghatag sang ayuda sa masobra 2,100 ka mga jeepney drivers sa Bacolod sa idalum sang Assistance to Individuals in Crisis Situations.
Patigayunon ang tatlo ka adlaw nga payout sa SM City Bacolod tubtob Mayo 16. Masobra sa 5,000 pesos ang mabaton sang tagsa ka mga drayber.
Nagapangabay si DSSD head Richelle Verdeprado Manga sa mga drayber nga magkadto lamang sa payout center sa tion sang ila schedule kag sigurohon nga dala nila ang ila mga dokumento.*
[sibwp_form id=1]