61.03 percent sa target nga mabakunahan sa Negros Occidental ang fully vaccinated.
Ini base sa April 16 nga report sang Provincial Health Office. Nagakasayuran nga sa 2,098,421 ka target nga mabakunahan 1,280, 654 ang fully vaccinated.
Sa 80 porsiento sang populasyon nga gin set nga target mabakunahan ang La Carlota City ang naga isahanon nga LGU nga nakalambot sini sa amo nga report.
82.52 percent ang nabakunahan sang La Carlota sa target sini.
Ang siudad naman sang Cadiz, EB Magalona, Pulupandan, Sagay City kag San Enrique ang may masobra sa 70 percent sang ila nga target population ang fully vaccinated sa amo nga report.
Samtang, suno kay Dr Claudelia Josefa Pabillo ang in-charge sang vaccine distribution sang probinsya gin pasiguro na nila damlag pa nga ma allocate sa sa nagkalain lain nga mga LGU ang mga bakuna nga maga expire sa Abril 30.
Ini sa pagpasiguro man nga ma una ini gamit kag ini ma usik.
Duha na lamang ka semana ang nabilin kag mag expire ang masobra sa 221,000 ka dose sang bakuna.