Isa ka 61 anyos nga babaye nga gina alegar naga patuman sang dental practice nga wala sang lisensya ang gindakup sa isa ka entrapment operation sang National Bureau of Investigation.
Suno kay Dr Analie Gonzaga ang presidente sang Philippine Dental Association – Negros Occidental Chapter madugay na nila nga gina monitor ang natungdan.
Kahapon lamang sa entrapment operation sang NBI nga gin patigayon sa clinic sang amo nga 61 anyos nga nahamtang sa Brgy 2 sa Victorias City tigayon nga nadakop ang ila nga gina reklamo.
Paagi sa nagpa kunu-kuno nga pasyente, suno kay Gonzaga P10,000 ang sukot sang ginareklamo nga duktor para sa ginahinyo nga procedure sang poseur-patient nga nag bayad naman paagi sa G-cash.
Tinuig naman nga naga patigayon sang dental pratice ang 61 anyos anyos suno kay Gonzaga.
Paahanumdom ni Gonzaga sa publiko nga dapat amligan ang yuhom kasubong man ang ikaayong lawas paagi sa pag pa check-up sa mga lisensyado lamang nga mga mga dentista.
Padayon ang kampanya nila kontra sa iligal nga pag practice sang Dentistry. Nalakip sa na confiscate sang NBI ang dental chair, pila ka mga equipment nga gina gamit sa clinic kag mga supplies.
Suno kay Manuel Fayre ang pamuno sang NBI-Bacolod, as of press timekaso nga pagsupak sa RA 9484 ang laye nga naga regulate sang practice sang dentistry, dental hygiene kag dental technology sa Pilipinas ang ila nga iga file paagi sa inquest proceedings batuk sa natungdan.