Humalin kaina sang aga masako na ang mga rescuers gikan sa Bacolod Disaster Risk Reduction Management Office sa pagpatuman sang pre emptive evacuation sa malapit sisenta ka mga pamilya nga apektado sang nagluntad nga landslide sa Purok San Jose sa Barangay Alijis. Kadam an sa mga ginhingaw dala sa evacuation center mga kabataan.
Ang puluy an sang Pamilya Tabanao ara na sa bibi sang natiphag nga duta sa pangpang sang suba sa Purok San Jose sa Barangay Alijis sa Bacolod.
Isa sila sa mga pamilya nga wala pa nagbiya sa pihak sang peligro.
Ang lolo ni Gerald Tabanao indi man magbiya bisan makapila na ka beses nga gin ayo sang mga rescuer.
Gin-kordon sang mga rescuer ang kilid sang nagakatiphag nga pangpang.
Suno kay Dr. Ana Marie Pornan,pamuno sang DRRMO, sarang pa maglawig ang pagbunok sang ulan tuga sang Bagyo Agaton karon nga Semana Santa.
Gani nagapaandam sila sa mga residente ilabi na sa mga nagapuyo sa mga danger zones kag flood prone area nga mag cooperate kun kinahanglan ang pre emptive evacuation.
Naghuyang na ang pwersa sang bagyo agaton nga may maximum sustained winds nga 45 km/h near the center.
Pero balantayan man suno kay pornan ang mangin epekto sang bagyo basyang nga manugsulod sa Philippine Area of Responsibility sa madasun nga inadlaw.
Gani gin suspend na sang siudad ang pagbalik kuntani sang limited face to face classes sa pito ka mga eskwelahan.
Pagadesisyon man ang posible pagsuspend sang trabaho sa siudad sa pagsinapol upod sa regional DRRM office.