Sa 61 ka Omicron XBB subvariant nga bag-o na detect, 60 diri ang gikan sa Western Visayas.
Isa naman ang gikan sa Davao Region. Ini base sa resulta sa pinaka ulihi nga batch sang genome sequencing run sa nag ligad nga October 15-17.
Suno sa DOH ang 61 ka XBB variant tanan mga local cases. Walo diri ang active kag ang 50 nakabig recovered.
Ang XBB coronavirus subvariant ang gina patihan nga highly immune-evasive kay bisan pa ang mga yadtong may antibodies na batuk sa Covid-19 ang sarang sa gihapon makakuha ukon malatnan sini.
Gina siling man nga ang amo nga variant ang naga tuga sang surge sa kaso sa Singapore.
May lima naman ka XBC variant cases ng ana detect sa Western Visayas. Sa tunga sining mga bag-o nga variant ginpahayag sang DOH nga ang bakuna naga pabilin nga epektibo nga pamaagi nga malikawan ang severe kag critical Covid-19 kasubong man ang kamatayon gikan sa Covid-19 bisan sa ano pa nga variant.
Gina pasiguro man sang DOH nga padayon ang surveillance kag monitoring agudto nga ang threat sa posible outbreak ang ma tutukan gilayon.
Padayon man nga yara sa low risk ang healthcare rate utilization rate sang pungsod.