Ini ang nag viral nga video nga ginpost sa social media sang 16 anyos nga pasahero nga babaye sang ginhikap sang taxi drayber ang iya nga paa.
Ang biktima nga yara sa front seat ang nagpadul ong sa barangay 28 sang natabo ang pag harass sa iya sang Miyerkoles.
Base sa post sang biktima, gin paandaman niya ang driver nga untatan ang iya gina himo pero wala ini nagpamati kag nagpadayon lang sa pag hikap sa iya nga paa.
Wala pa makuhaan sang biktima sang litrato ang taxi ukon ang plate number sini apang sa pagka sunod nga adlaw sang nagpalab ot siya sang reklamo, napat-ud sang Women and Childrens Protection Desk ang 60 anyos nga suspek sa bulig man sang ride hailing app kag sang taxi operator.
Suno kay Police Lieutenant Arlyn Torrendon, pamuno sang BCPO-WCPD, desidido ang biktima nga pasakaan sang kaso nga Acts of Lasciviousness in relation to Republic Act 7610 ukon Special Protection of Children Against Abuse, Exploitation and Discrimination Act ang 60 anyos nga taxi driver.
Nagapanugyan naman si Torrendon sa mga netizen nga kun mahimu ipaiway ang “victim blaming” ilabi na nga may mga naga-post man sang negatibo nga komento kontra sa nangisog nga tag reklamu.
Handa man ang talatapan sang WCPD nga magbaton kun may dugang pa nga kasubong nga reklamo kontra sa taxi drayber.
Paandam nila sa mga kababayen an nga mangin security conscious kun nagabyahe,ilabi na kun kagab ihon. Likawan ang magpungko sa front seat kun naga isahanon.
Ipahibalo sa mga himata kun magbiyahe, kuhaan sang plate numbr sang ginasakyan kag ang pagpanaog sa malabyan nga police station kun ginakinahanglan agud malikawan ang mga kasubong nga pag abuso.