Anum ka mga siudad kag isa ka banwa sa Negros Occidental ang naka pasar sa Seal of Good Local Governance sang Department of the Interior ang Local Government.
Ini ang nagalakip sang Bago, Himamaylan, Sagay, San Carlos, Silay kag Talisay City kag ang banwa ang Hinoba-an. Ang Western Visayas naman ang top Region sa Visayas kag Mindanao. Ini ang may pinaka madamo nga city passers kag provincial passers.
Wala nalakip ang Negros Occidental kag Bacolod City sa list of passers.
Suno kay Negros Occidental Governor Eugenio Jose Lacson, sa evaluation ang nangin kapaltahan sang probinsya amo nga ang head sang Provincial Social Welfare Development Office sini sang amo nga tion ang OIC lamang.
“Because of one shortcoming, at the time sa evaluation, we only had an OIC-Head sa PSWD. That was the only shortcoming of the province. I raised a point, sabi ko, what’s important the performance of the department or just to have a regular PSWD head. Sabi nila that’s really the criteria it has to be permanent”, suno kay Lacson.
Sa karon suno sa gobernador, permanent na ang status sang nagapamuno sang PSWDO sa persona ni Merle Garcia. Ginsiling man sang gobernador nga sa kabilugan, nangin maayo naman ang performance sang probinsya.