Nagligad lang nga weekend sang napangitaan paagi sang Barangay Vista Alegre sa Bacolod nga makuha kag malubongang patay nga baboy nga ginhaboy sa manhole sa ila man ngabarangay.
Pero nagapabilin gihapon nga ginapaligban ni Punong Barangay Leandro De Leon ang pagpilak sang patay nga sapat sa barangay karon nga may kahangawa nga dala sang African Swine Fever sa Bacolod.
Ginsiling ni De Leon nga kahapon lang may anum ka mga idikang nasapwan ginpaanod sa Lupit River nga nasakpan sang barangay.
Ini karon ang ila na nga gina usisa upod sa katapo sang ASF task force agud mapat-ud kun sino ang responsable sa pagpanghaboysang patay nga baboy.
Nagalaum man sila nga maduso ang isa ka ordinansa ngamagapatuman sang mas mabug-at nga penalidad batuk sanagahimo sini nga sarang makahalit pa sa hog industry.