Shadow

6 ka mga naga trabaho sa Comelec Bacolod nag positibo sa COVID-19

Dugang nga anum pa gid ka mga naga trabaho sa Comelec Bacolod ang nag positibo sa COVID-19.

Humalin pa sang Lunes sirado ang talatapan sang Comelec Bacolod.

Suno kay Atty Kathrina Trinio-Cana ang Bacolod Comelec officer, una nga nagpositibo sa virus ang isa ka empleyado nga nag pa swab sang Biernes.

Sang makuha ang resulta, gin pakamaayo nga ipaidalom sa swabbing ang tanan nga naga trabaho sa Comelec sang Lunes.

Anum ang nagdugang nga positbo. Sa anum, lima ang empleyado sang comelec kag isa ang detailed gikan sa lgu. Sa kabilugan desi sais ang gin swab kag may duha ka iban pa nga natalana pa nga I swab suno kay Trinio-Cana.

Natapos na ang pagpatuman sang disinfection sa talatapan kag naga hulat sila sang abiso kun san o naman pwede maka bukas ang comelec bacolod.
Suno sa comelec officer ginapasiguro nila ang pagpatuman sang minimum health protocol sa opisina.
Negatibo naman sa virus si trinio cana.

Secured By miniOrangeSecured By miniOrange