Anum ka mga commercial establishment ginpasirad-an bangud wala business permit sa Bacolod.
Ginbalikan na sang katapo sang City Legal Office ang pila ka mga commercial establishment sa Bargain Square Mall nga natalupangdan tinuig na nga wala sang business permit.
Anum tanan ang wala naka-secure sang permit matapos man ma-issuehan sang notice of closure.
Gani kaina isa-isa sila nga ginpasirad-an.
Kabahin diri ang isa ka printing service nga naabtan pa naga-pang imprinta sang t-shirt para sa Bacolod LGU.
Wala ini sang business name kag daw ginhungod ang pagkakas nila sang ngalan sa nakapaskil nga tarpaulin agud indi sila matultulan sang enforcement team.
May yara man sang tailoring shop kag fashion house sa Plaza Mart nga ginpa-sirad an.