Shadow

6 ka mga close contacts sang Delta variant patient sa Brgy. Mansilingan nag negatibo sa swab test

YouTube player

Gin-lift na ang lockdown sa puluy-an sang tatlo ka tuig nga bata nga lalaki kag sa balay sang 63 anyos nga iloy nga lunsay nalatnan sang Covid-19 Delta variant sa Barangay Mansilingan.

Ini matapos nag-negatibo ang resulta sang ila RT-PCR test kag sa tag-duha nila ka kaupod sa balay nga gin-re swab.

Suno kay Cr. Chris sorongon, magluwas sa 169 ka swab specimen nga una nila nga ginpadala sa Philippine Genome Center sang Hulyo, may 70 pa ka swab samples nga ginsubmit sang City Epidemiology Surveillance Unit para sa genomic testing sang nagligad nga Agosto 9.

Sa record sang Department of Health 6 , may apat na ka mga kaso sang Covid-19 Delta variant sa Bacolod kag may walo ka mga variants of interest nga padayon nga hugot nga ginamonitor sang katapo sang EOC upod sa mga barangay health workers.

Ang strikto nga pagpatuman sang border kag travel restrictions kag minimum health standard protocol sa idalom sang general community quarantine with heightened restrictions kabahin sa mga tikang sang siudad agud mapunggan ang mas makalalaton kag makamamatay nga variants sang Covid-19.

Secured By miniOrangeSecured By miniOrange