6 ka mga chief of police pati na ang provincial director sang Negros Oriental ginkakas sa pwesto bangud sang one-strike policy sa illegal gambling.
Ginkakas sa ila tagsa ka pwesto ang provincial director sang Negros Oriental Police Provincial Office kag ang anum ka mga hepe sa banwa ka Ayungon, Tayasan, Sibulan kag Pamplona, kag mga siudad sang Bayawan kag Guihulngan.
Ang rason, naka-operate ang higher units kag special operations group sa mga lugar sang natungdan nga mga hepe kag may nagkaladakpan nga mga persona nga nagapakigbahin sa iligal nga panahor.
Sa standing order ni Chief PNP General Jose Melencio Nartatez Jr. kay Police Regional Office-Negros Island Region director Brigadier General Romano Cardiño, maga-atubang sang administrative action ang mga hepe nga mapaslawan nga mapa-untat ang illegal gambling ilabi na sa Negros Oriental.
Apang sang nagligad nga semana, naka-operate ang Regional Special Operations Group sa area kung diin pila ka mga illegal gambling paraphernalia, pusta kag kwarta ang nakumpiskar.
Sa idalom sang One-Strike Police sang PNP, kun may yara sang matukiban kag madinalag-on nga operations sang illegal numbers game sa isa ka lugar, pagakakson man ang hepe, pati na ang provincial director bangud sang iya command responsibility.
Suno kay Cardiño nga dapat mangin paandam ang pag-relieve sa mga hepe sa iban pa nga mga police units kag personnel sa rehiyon.
Ginbuslan ni Col. Lito Patay ang nabakante nga pwesto ni Col. Timmar Alam, anay provincial director sang NOrPPO. Ini nga posisyon ang dugang sa karon katungdanan ni Patay bilang Deputy Regional Director for Operations.
“Ang One-Strike Policy, the moment nga mag-operate ang higher headquarters sa lower units and it turned out positive, automatic ma-relieve ang COPs. So even though may previous or may accomplishments na siya before, basta madakpan or mastrike-an ka ng higher office like RSOG or national support unit like CIDG, automatic ang relief. Daw wala siya conditions, basta for as long as mastrike-an ka nga positive operation ng Regional Special Operations Group at the same time ng support units, automatic ang relief sang COP. Naka-issue na kami ng warning through memo nga in effect na ang One-Strike Policy that was June 10, immediately after sang Regional Peace and Order Council meeting kay gin-present man ni siya ni RD sa aton mga mayors during RPOC”, suno kay Malong.
[sibwp_form id=1]