Pasado las dos kaina sang kaagahon sang nagluntad ang sunog sa Purok Kagaykay sa Brgy. 2 sa Bacolod City.
Lima ka mga balay ang totally destroyed kag isa naman ang partially damaged.
Sa inisyal nga pagpangusisa sang BFP nagsugod ang kalayo sa balay ni Magdalena Patioca.
Mahimo electrical in nature suno sa BFP ang gintunaan sang kalayo nga nag halin sa iya mismo nga kwarto.
Nag angkon sang minor injuries si Patioca tuga sang pagka paso sang iya nga mga kamut.
Napilasan man sa agtang ang 53 anyos nga sI Romeo Buenconcejo.
Anum tanan ka mga pamilya ang nahalitan sang sunog kag gina bulubanta nga nagdangat sa P300,000 ang halit sang kalayo.