Nagpangayo sang bulig sang publiko ang Negros Oriental Police Provincial Office para makita ang anum ka mga foreign nationals nga nadula matapos mag-hiking sa Valencia, Negros Oriental sang kahapon, Hwebes.
Isa ka British, tatlo ka mga German, isa ka Canadian kag isa ka Russian. Kalabanan sa ila mga senior citizens.
Gin-report sang mga parehos nila nga naga renta man sang balay nga wala na makapauli ang anum ka mga dumuluong humalin sang ini sila ang nag trekking.
Sa report sang PNP nagsugod ang anum sa pag trekking sa Luwas, Brgy. Malabo, Valencia, Negros Oriental, kun sa diin makita ang popular nga twin lakes trail.
Nagtipon sang trekkers kag rescue groups nga sunado ang trail kag ginpangita ang anum.
Mga las onse sang aga gin kumpirma sang Punong Barangay sang Malabo nga si Christian Sela nga ang duha sa anum ka missing ang nakit-an nga buhi sa Sitio Lunas, Barangay Malabo. Ang apat as of press time ang padayon pa nga gina pangita.
Pinaagi sa drone nakita ang duha. Apat ini ka kilometro gikan sa ila nga ginhalinan suno sa punong barangay.
Ang German kag British national ang una nga mga nakit-an. Nagapadayon sa gihapon ang Search operation kaupod ang private organizations nga may ihibalo sa Mountain Search and Rescue Operations.