Maka anum ka beses nga nag buga sang abo ang bulkan Kanlaon sang Domingo nga adlaw. Samtang, PHIVOLCS nag pa gwa sang Kanlaon Volcano Lahar Advisory.
Kasunod sang bulletin nga gin issue sang PAGASA angut sa Bagyo Tino nga maga dala sang mabunok ukon heavy to intense rainfall sa pila ka bahin sang Central Philippines, ilakip na ang Negros Island sa masunod nga inadlaw, naga abiso ang PHIVOLCS nga ini ang pwede mag generate sang volcanic sediments flows ukon lahar flows.
Pwede man mag tuga sang muddy streamflows ukon muddy run-off sa mga suba kag drainage areas sa bulkan Kanlaon.
Gani naga abiso ang PHIVOLCS nga mag mas mangin mabinantayon kag gina pabantay man ang mga komunidad nga damlag pa na identify na nga ma apektuhan sang kasubong nga mga hazard.
Nalakip sa areas at risk ang Ibid Creek sa BiaknaBato kag Baji-Baji Falls kag Talaptapan Creek sa Cabacungan sa La Castellana.
Samtang, nag lawig sang 4 tubtob 110 minutes ang mga ash emission nga na record sa bulkan Kanlaon sang kahapon suno kay Ptolemy Manego, Science Research Assistant sa Kanlaon Observatory.
Nagapabilin sa gihapon ang threat sang pag lupok sang bulkan.
“Sang gab-i nga ash emission, bale lab-ot siya sobra isa ka oras ang pinaka recent, sang gab-i. 9:10 to 10:33pm of Nov 2”, suno kay Mañego.