Masobra sa 6.3 million deactivated voters ang sarang maka pa reactivate online.
Sarang na maka pa reactivate online ang mga botante nga nakakas sa voters list sang Comelec.
Suno kay Commissioner Rowena Guanzon, may 6.3 voters ang na deactivate pero bangud yara pa sa database ang ila biometrics, sila ang indi na kinahanglan pa nga magkadto sa Comelec offices para mag apply sa reactivation.
Ginakinahanglan lang sang mga applicant nga mag email para ma verify sang Comelec ang ila nga records tubtob nga makakuha sang online appointment para mag take oath via online video.
Ang Comelec ang natalana pa nga magpa gwa sang guidelines may angut sa online reactivation sang voters’ registration.
Ini sarang makahatag benepisyo ilabi na sa mga senior citizen, mga persons with disability kag ang may mga trabaho nga may kabudlayan magpadulong sa comelec offices ilabi na karon nga may pandemic.
Sandig sa Republic Act 8189 ukon ang Voters’ Registration Act of 1996, ang Comelec ang sarang magkakas sang mga botante nga mapaslawan maka boto sa duha ka magsunod nga election.