Mag-abot ang filing sang Certificates of Candidacy mapat-od ang tanan, pero sa karon, suno kay 5th District Congressman Dino Yulo naga pabilin siya nga independent.
Ginsiling sang kongresista nga independent man siya, pero bukas man siya sa pagsulod sa national party ukon ayhan magapabilin nga independent sa gihapon.
Ang importante suno sa iya kun ano ang magadala nga benepisyo sa kinto distrito. Si Yulo ang yara karon sa iya nga first term kag gina paabot ang iya nga pag pa re-elect.
Naga gwa man ang posibilidad nga pag field sang Partido Federal ng Pilipinas kay Board Member Anton Occeno nga mag bunggo sa iya, suno kay Yulo indi man siya maka pili sang iya nga mangin kasumpong sa pulitika.
Damlag pa nag gwa man ang ngalan ni Dina Arroyo Tantoco ang bata ni anay Congressman Ignacio Arroyo nga maga bunggo sa iya, pero tubtob sa karon wala ini napat-od.
Samtang, suno kay Yulo wala man siya nakahibalo kun diin naghalin ang Miguel vs Miguel sa Isabela.
Nagagwa ang ngalan sang anak ni Yulo nga si Miguel nga maga bunggo sa kay Vice Mayor Juan Miguel Montilla sang Isabela sa mayoralty race.