Mga anay empleyado sang BACIWA nga damlag pa ginkakas sa serbisyo ang nag-file sang motion for execution para mapatuman ang compromise agreement nila nga naga lakip sang pagbayad sa ila sang back wages.
March 10, 2026 sang nag-file sang motion ang 59 ka mga anay empleyado sa Civil Service Commission nga nagahinyo sang pag execute sang ginlagdaan nila nga compromise agreement sa Bacolod City Water District.
Suno sa ila abogado nga si Edmundo Manlapao, Jr., final na ang desisyon sang CSC angut sa reinstatement sang 59 ka mga empleyado nga damlag pa gin-kakas sa serbisyo kasunod sang pag lagda sang BACIWA sang joint venture agreement sa PrimeWater, bangud sang redundancy.
Suno kay Manlapao kasunod sang amo nga desisyon sila ang nag pungko upod sa BACIWA Board para mapat-od ang kantidad sang backwages kag iban nga benepisyo nga balayran sa mga ginkakas nga empleyado kag naglagda sang compromise agreement.
As of December 2025 nagdangat ini sa 123 million pesos kag gin kasugtan nga sa Enero 30, 2026 ukon antes sini ipatuman ang bayranay.
Pero tubtob sa karon ang compromise agreement ang wala napatuman.
Sa motion nga gin-file sang mga anay empleyado naka saad nga si Baciwa Board Lorendo Dilag kag Mona Dia Jardin, ang nag pamalibad sa pag lagda sang amo nga compromise agreement kag nag file sang kaso batuk sa mga board of directors nga nag lagda pabor sa compromise agreement.*
[sibwp_form id=1]