Gina usisa sa karon sang pulis ang pag gapos sang 58 anyos nga lola nga nasal-an aswang.
May mga pilas ang 58 anyos nga lola sang maabtan sang katapo sang Hinigaran PNP sa Barangay Gargato amo nga ila ini gin pabulong kahapon.
Suno kay Captain Ryan Villasario, hepe sang Hinigaran PNP, ulihi na nila nakita ang mga litrato nga gin gapos sang mga pumuluyo ang lola kay ila ini gin akusar nga isa ka aswang.
Tungod sini gina usisa na sang pnp kun sin-o ang responsable sa pag-gapos sa lola.
Nag-gwa man sa inisyal nga imbestigayon sang kapulisan nga nakit-an sang mga pumuluyo nga naga taklas sa atup ang 58 anyos nga lola antes pa man natabo ang pag-gapos sa iya.
Pahayag naman sang pamilya sang lola suno kay villasario nga may yara ini sang depression bangud sang pag kamatay sang iya mister amo nga posible iya ini nahimo.
Ginahulat man sang pnp kun mapasaka sang kaso ang pamilya sang lola.