Ginpasaka na ang kaso nga murder batuk sa lalaki nga nag labo kag nag utod sang ulo sang iya kaingod sang Sabado sa Barangay Maquiling siyudad sang Sagay.
Ang 58 anyos nga biktima ang ginkilala kay Gelly Recodo kag matapos pugotan gindala sang suspek ang iya nga ulo sa patyo.nagdala sang iya sini ulo sa sementeryo.
Suno kay Lt Col Roberto Indiape, hepe sang Sagay PNP, nagsugat-anay lang sa dalan ang suspek kag si Recodo upod ang hinablos niya nga si Bernalyn Abranilla.
Suno sa pulis una nga ginlabo ang hinablos nga pilason man apang nakapalagyo ini gilayon.
Mapalagyo man kun tani si Recodo apang natumba ini kag didto na siya ginlabo kag ginpugutan sang ulo sang suspek.
Nakita pa sang mga kaingod nga gina bitbit pakadto sa patyo sang suspek ang ulo sang biktima samtang nabilin naman sa kampo ang lawas.
Ang away sa karabaw amo ang ugat sang indi pag intindihanay sang duha suno sa pulis amo nga tuyo gid sang suspek nga patyon ang biktima.
Ginpasagod sang biktima sa suspek ang iya sini nga carabao kag imbis nga diyes mil pesos, dos mil pa lang ang iya nabayaran.
Detained karon sa Sagay PNP ang suspek nga wala gin hingadlan kay gina alegar nga naga batyag sang depression.