56.18 ka cubic meters sang spaghetti wires ang nakakas sa mga dalanon sang Bacolod sa sulod sang duha ka bulan.
Halin Nobyembre 10 asta Disyembre 29 naglab-ot sa 56.18 cubic meters ang nakolekta nga mga nagalaylay nga kable sang Task Force Spaghetti Wires halin sa dalan Magsaysay – Araneta asta sa Gaisano City Mall area.
Nalakip man sa ginpanglalas sang task force ang mga spaghetti wires sa area sang Barangay Villamonte, shopping area kag sa dalan Lacson antes sang Robinsons Place Bacolod.
Ginapaabot nga sa sini nga tuig matigayon ang donasyon sang mga nakolekta nga mga wires sang mga telecommunications company sa siudad nga ihatag para sa mga mangunguma.
Ang mga wires ang ginahimu nga latayan sang mga pananom sang mga mangunguma.