535 ka mga fisherfolks kag mangunguma nga apektado sang El Nino Phenomenon sa fourth district ang nag baton sang tig 10,000 pesos nga cash assistance.
Ginsuguran na tagtag sang probinsya ang Presidential Assistance for Farmers and Fisherfolks ukon PAFF.
Sa Manuel Torres Memorial Coliseum and Cultural Center sa Bago City kaina ginpatigayon ang pagpanagtag sang assistance nga sa kabilugan naga balor sang 5.35 million pesos sa mga benepisyaryo sang fourth district.
Kabahin ini sa 50 million pesos nga PAFF para sa bilog nga Negros Occidental.
Nagbaton man sila sang food packs gikan sa probinsya sang Negros Occidental.
Si Negros Occidental Governor Eugenio Jose Lacson ang nagpamuno sa distribution upod kay Bago City Mayor Nicholas Yulo kag subong man provincial kag local officials.
Ang siudad sang Bago ang may pinaka madamo nga benepisyaryo sa 4th District – 233.
Samtang, ginsiling naman ni Provincial Social Welfare and Development Officer, Chiqui Gonzales nga pagkatapos sini ginapaabot man ang distribution sang 2,000 pesos nga cash assistance sang probinsya.