Mga high powered firearms ang gin-gamit.
Ini ang ginkumpirmar sang Deputy Chief of Police sang Himamaylan City PNP nga si Police Captain Arturo Margallo, Jr., base sa ila na recover nga mga empty shells sa crime scene kun sa diin gin paulanan sang bala ang isa ka puluy-an nga nag resulta sa kamatayon sang apat ka miembro sang pamilya, nga naga lakip sang duha ka menor de edad sa Brgy Buenavista, siudad sang Himamaylan.
Suno pa sa PNP ang mga napatay nga pamilya ang gikan gid sa siudad sang Basay sa Negros Oriental apang onse ka tuig na ang mga ini nga nagapuyo sa Himamaylan.
Ginklaro naman sang PNP nga padayon pa sa karon ang ila imbestigasyon sa kasubong man ang mga impormasyon nga posible magatudlo sa may kahimuan sa brutal nga pagpamatay.
Indi pa man ma kompirmar sang kapulisan kun bala ini ang kahamuan sang rebelde nga grupo apang sang damlag lang, nagpaguha sang statement ang katapo sang New People’s Army kag ginabasul sini ang pwersa sang militar sa kamatayon sang mga biktima.
Depensa naman sang militar nga wala sang basehan kag wala sang kamatuoran ang alegasyon sang hublag batuk sa kampo sang gobyerno.
Sa karon, yara na sa isa ka punerarya ang mga bangkay sang biktima kag ginahikut na ang ila sini nga haya.
Natapos naman ang post morten examination sa mga lawas sang biktima.