Igo sang bala sa ulo ang naangkon sang 53-anyos nga amay matapos gintiro sang wala pa makilal-an nga gunman sa Sitio Abtao, Purok Saging sa Barangay Tapi, sa Kabankalan City, Sabado sang gab-i.
Dead on arrival sa Kabankalan District Hospital ang biktima nga ginkilala kay alyas “Jerry”.
Nag-gwa sa imbestigasyon sang kapulisan nga naga-inom-inom si alyas “Jerry” upod ang iya umagad sang gulpi lang nag-abot ang isa ka lalaki kag gintiro ang biktima sa wala pa mahibaluan nga rason.
Personal nga dumot ang ginalantaw sang kapulisan nga motibo sa krimen.
Nagpakig-angut ang Kabankalan PNP sa 94th Infantry Battalion kag mga kaiping nga police stations agud makilal-an kag madakup ang nakapalagyo nga suspek.