Probinsya sang Negros Occidental ang naka record sang pinaka una nga Delta variant case.
Suno kay Provincial Administrator Rayfrando Diaz, nabaton nila kahapon ang report gikan sa Philippine Genome Center nga positibo sa Delta variant sang Covid-19.
Ang isa ka 52 anyos nga returning overseas Filipino nga lalaki nga gikan sa United Arab Emirates kag taga Talisay City.
Ang Vicente Sotto National Molecular Laboratory amo ang nag padala sang iya nga sample para sa genome sequencing.
Suno kay Diaz, nag abot ang natungdan sa probinsya sadtong Agosto 11 pa matapos maka kuha sang clearance gikan sa Bureau of Quarantine.
Humalin July 20 nagsugod sa iya nga quarantine sa hotel ang natungdan tubtob nga na-release siya sadtong Agosto 11. Kahapon mismo gin-reswab ang 52 anyos bilang kabahin sang standard operating procedure.
Gin-swab man ang iya nga pamilya. Napaidalom sila karon sa strict quarantine.
As of press time, ginahulat ang resulta sang ila nga swab test.