50,000 new voters sa probinsya ginapaabot nga malab-ot sang Comelec sa deadline sang voter’s registration bwas.
Naglambot na sa 47,287 ang kadamuon sang new voterapplicants sa Negros Occidental antes pa man sang deadline para sa Comelec Voter’s registration bwas.
Suno kay Provincial Election Supervisor Ian Lee Ananoria, ginalauman nila nga bisan paano malab-ot ang 50,000 new voter registrants bisan pa may pagnubo sa 400 ang kadamuon sang mga nagpa rehistro sa week 7 kun ikumparar sang nagliligad nga sinemana.
December 12 nagsugod ang voter’s registration.
Wala man sa karon sang ginapaabot nga extension ang Provincial Comelec Office para sa voter’s registration para sa natalana nga Barangay kag Sangguniang Kabataan Elections sa Oktubre 30.