Shadow

50% sang general population sang Bacolod target mabakunahan sang booster dose

PIO photo

Upod sa ginlunsar nga Pinaslakas Vaccination program ang libre nga medical check-up kontra dengue, tuberculossis, diabetes, hypertension, HIV kag mental health pinaagi sa Mobile Health and Wellness caravan sa Carlos Hilado Memorial State University-Alijis campus sa Bacolod City.

Suno kay Regional director Dr. Adriano Subaan sang Department of Health Western Visayas, target sang Pinaslakas vaccination program ang mabakunahan sang booster dose ang singkwenta porsyiento sang populasyon sa Bacolod ilabi na nga nagahilapit ang Masskara Festival sa Oktubre.

Ang amay nga si Hector Jamili nga taga Don Salvador Benedicto gindala ang iya tatlo ka mga anak nga magabalik sa in person classes sa Agosto 22.

Suno kay Subaan pwede makapabakuna bisan ang indi taga Bacolod sa mga vaccination area nga gintalana sang DOH 6. Kabahin man ini sa mga tikang nga ginapatigayon agud mas mapabaskog pa ang vaccination program sa pila ka mga lugar sa probinsya.

Secured By miniOrangeSecured By miniOrange