Patay ang driver sang tricycle pati na ang iya menor de edad nga anak kag bayaw matapos mabunguan sang truck sang Biyernes sa Circumferential Road sa Barangay Bata sa Bacolod.
Ang napatay amo si Marciano Mahilum Jr, 17 anyos sini nga anak kag bayaw nga si Reynald Porras.
Sa imbestigasyon sang Police Station 3, papuli na kun tani ang mga biktima sakay sa tricycle sang sila ang posible nag overtake sa ila ginsaundan nga truck.
Didto na nag head on collision ang tricycle sa naga sugata nga truck sang tubo.
Samtang, patay man ang 28 anyos nga si Jefferson De Costa matapos naman maka bunggo ang iya motorsiklo kahapon sang kaagahon sa naga parking nga truck sang softdrinks sa Circumferential road bahin sa gihapon sang Barangay Bata.
Suno sa pulis, papuli na kun tani ang biktima gikan sa bangga pepsi sang siya ang mag rekta sa naga parking nga truck sa kilid sang dalan.
Mahimo wala nakita ni De Costa ang truck suno sa pulis bangud sa madulom ang amo nga lugar kag wala man sang early warning device ang truck.
Sang Sabado naman napatay ang 13 anyos nga lalaki nga nagadala sang tricycle matapos naman makabunggo sa truck sa dalan sa Barangay Katilingban sa Talisay.
Suno sa PNP, nagapataklad ang tricycle nga dala sang menor de edad upod ang iya 18 anyos nga pasahero sang ini ang maka tapak sang bato nga nadulaan sang kontrol ang menor de edad.
Nabunggo ini sa nagapadulhog nga truck kag natumba ang teenager nga amo man ang gintunaan sang iya kamatayon. Wala naman masamaran ang iya pasahero.