Lima ang pilason sa tatlo ka separado nga kaso sang pagpamuno sa probinsya.
Pilason ang 18 anyos nga si Lourence Mahilum sang ini siya ang ginbuno kaina sang kaagahon sang iya upod sa gin tambungan nga birthday party sa Barangay Kapitan Ramon sa Silay City.
Sa imbestigasyon sang PNP, nag tambong lang sa birthday sang iya nga tiyo ang teenager sang mag baisay sila sang 43 anyos nga si Jimmy Carpio. Gin-alegar gilayon lang siya ginbuno ni Carpio. Gindala siya sa ospital.
Sa Barangay Bunga naman sa Don Salvador Benedicto, pilason ang 27 anyos nga si Dondel Larita bangud sang away sa baylehan kagab-i. Suno sa pulis, naga bayle lang ang grupo sang biktima kag sang suspek sang hinali sila mag sinuyaay.Gin buno sang suspek gamit ang kutsilyo si Larita.
Samtang, bangud naman sang ido, pilason ang mag kaingud balay nga sanday Joel de Juan kag Rogie Español matapos sila mag bun-anay kag lab-anay sa Barangay Buhangin sa Isabela.
Suno sa PNP, nag away and duha bangud sang pag bakol ni Español sa hinuptanan nga ido ni de Juan sang ini siya ang gin taghol sa iya nga pag labay. Ginbalikan suno sa pulis ni Español si de Juan kag gin buno rason nga nag balos man si de Juan paagi sa pag labo kay Español.